​AKP shpalli rezultatet e shitjes SHAL 57, mbi 900 mijë euro vlera e tërësishme e ofertave

Ekonomi

​AKP shpalli rezultatet e shitjes SHAL 57, mbi 900 mijë euro vlera e tërësishme e ofertave

Më: 10 gusht 2022 Në ora: 15:50
Ilustrim

Agjencia Kosovare e Privatizimit (AKP) sot në ceremoninë e hapjes së ofertave të shitjes së aseteve në likuidim SHAL 57 përmes tenderit publik shpalli fituesit e përkohshëm për asetet e ndërmarrjeve shoqërore që ishin në dispozicion për shitje.

Për 27 asete sa ishin në shitje gjithsej u pranuan 54 oferta dhe vlera e tërësishme e ofertave më të larta ishte 907.620 mijë euro.

Prej tyre gjashtë ishin në rajonin e Pejës, tri në rajonin e Prishtinës, shtatë në rajonin e Mitrovicës dhe në rajonin e Prizrenit 11 asete.

Ndryshe, AKP është themeluar nga Kuvendi i Kosovës dhe është e shtrirë dhe vepron në të gjithë territorin e vendit.

Agjencia ka mandatin dhe autoritetin për shitjen ose bartjen e ndërmarrjeve shoqërore dhe aseteve të tyre tek investitorët privatë gjithnjë përmes një procesi të hapur, transparent, konkurrues dhe pa vonesa.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat