Inflacioni 19%, Murati thotë se ekonomia e Kosovës po tregon qëndrueshmëri të jashtëzakonshme

Ekonomi

Inflacioni 19%, Murati thotë se ekonomia e Kosovës po tregon qëndrueshmëri të jashtëzakonshme

Më: 21 shtator 2022 Në ora: 12:45
Hekuran Murati

Ministri i Financave, Punës dhe Transfereve, Hekuran Murati, ka thënë se përkundër sfidave të vazhdueshme globale “ekonomia e Kosovës po tregon qëndrueshmëri të jashtëzakonshme”.

Përmes një postimi në Facebook ai ka pretenduar se ekonomia stabile vërehet edhe në trendin e qarkullimit të bizneseve në vend.

Hekurani ka treguar se çfarë kanë bërë si ekzekutiv.

Kosova po përballet me inflacion që sipas Bankës Botërore është 19 për qind.

Postimi i Muratit

“Kemi zhvilluar fushatën e vaksinimit më efektiven në rajon, gjë që ka mundësuar heqjen më të shpejtë të kufizimeve dhe hapjen e tërësishme të ekonomisë.

Kemi subvencionuar çmimin e energjisë elektrike, gjë që mundëson bizneset tona të jenë më konkurrente dhe të rrisin eksportin.

Kemi mbështetur prodhuesit në zgjerimin e kapaciteteve të tyre, duke subvencionuar 20% të vlerës së kredisë investuese.

Kemi rritur subvencionet në bujqësi duke trefishuar mbështetjen për grurin e duke rritur mbështetjen për produktet e kulturat tjera.

Kemi miratuar e shpërndarë pako masash, më shumë se cilado qeveri tjetër, për të mbështetur familjet në nevojë e rritur fuqinë e tyre blerëseE shumë e shumë masa e veprime tjera, çdoherë në shërbim të mbështetjes së ekonomisë e bizneseve për të rritur prodhimin, eksportet e punësimin”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat