Kryeministri britanik i gëzohet autorizimit të vaksinës anti-koronavirus: Lajm fantastik

Evropë

Kryeministri britanik i gëzohet autorizimit të vaksinës anti-koronavirus: Lajm fantastik

Më: 2 dhjetor 2020 Në ora: 14:32
Boris Johnson

Kryeministri britanik, Boris Johnson e cilësoi sot si fantastike miratimin nga Britania e Madhe të vaksinës Pfizer/BioNTech kundër koronavirusit të ri, autorizimi i parë kundër COVID-19 nga një vend perëndimor.

“Është mbrojtja nga vaksinat që do të na mundësojë më në fund t’i rikthehemi jetës tonë dhe të rimëkëmbim ekonominë”, shkruan drejtuesi konservator në Twitter.

“Britania e Madhe është vendi i parë në botë që autorizoi vaksinën antiCOVID-19 mga gjermani BioNTech dhe gjiganti amerikan Pfizer, që do të jetë e disponueshme në vend që prej javës së ardhshme”, njoftoi sot qeveria britanike, raporton ATSh.

“Qeveria pranoi sot rekomandimin e Agjencisë së Pavarur për Rregullimin e Medikamenteve dhe Produkteve Shëndetësore (MHRA) për të aprovuar përdorimin e vaksinës kundër COVID-19 të Pfizer / BioNTech”, deklaroi në një komunikatë zëdhënësi i Ministrisë së Shëndetësisë duke shtuar se vaksina do të jetë e disponueshme në Britaninë e Madhe duke nisur nga java e ardhshme.

Shfaq komentet
comments powered by Disqus
Sot mund të lexoni Shfletoni kopertinat