Ngjan me llojin e postimit që mund të lexosh në një site takimesh: Jam 35 vjeç, kam flokë kafë, i gjatë 1.80, peshoj 80 kg dhe pëlqej të vrapoj e ta mbaj veten të shëndetshëm.
Kam një punë të mirë dhe një master, ndaj mos hezitoni të më kontaktoni. Një perspektivë tërheqëse? Por nuk bëhet fjalë për një kandidat për një takim romantik.
Ajo që ky person ofron nuk është një marrëdhënie dhe as thjeshtë miqësi. Ai ofron spermën e tij dhe reklama ka në shënjestër femrat që janë të dëshpëruara për të lindur fëmijë.
Si rezultat i kufizimeve nga koronavirusi dhe mbylljes së shumë klinikave, në Britaninë e Madhe ka patur mungesë dhuruesish të spermës dhe kjo ka çuar në një lloj tregtie trazuese të spermës njerëzore të derdhur në internet dhe mediat sociale.
Veçanërisht në Facebook, ka dhjetëra grupe të specializuara ku një burrë ofron shërbimin dhe femrat kërkojnë ndihmë. Clive Jones, një ish mësues matematike në pension, në derby, të Britanisë së Madhe, pretendon se ai është baba i 116 fëmijëve, pasi gjatë tetë viteve të shkuara ka dhuruar në vijimësi spermën e tij.
65 vjeçari, i martuar dhe me tre fëmijë të tijët, thotë se ai është nxitur ta bëjë këtë nga një nevojë e përgjithshme që të vijohet me lindjen e fëmijëve.
Ndërsa bankat zyrtare të spermës, kanë një limit të moshës për donatorët, deri në 45 vjec, ai i është drejtuar facebookut, ku edhe ka gjetur shumë kërkesa.
Kur ai filloi ta bënte këtë, ishte 58 vjec. Ishte pak skeptik në fillim, për shkak të moshës, por donacioni i parë rezultoi i suksesshëm. Tani, ai thotë se mbi të gjitha, e bën këtë sepse do të ndihmojë. Tani ai e kalon pjesën më të madhe të kohës duke ngarë makinën e tij për t’ia dërguar spermën porositësve në shtëpi. Deri më tani ka takuar të paktën 10 nga fëmijët që ai ka ndihmuar të lindin duke thënë se thjeshtë ka dashur të dijë nëse sperma e tij ka qenë apo jo e suksesshme.
