Zjarri vazhdon të djegë sipërfaqe të tëra toke, por edhe të shkaktojë dëme në biznese dhe shtëpi, në periferi të Athinës. Si rezultat mijëra turistë dhe banorë u evakuuan. Të paktën 1,450 zjarrfikës grekë së bashku me 15 avionë po luftojnë me ferrin.
Flakët në Greqi do të vazhdojnë, me erëra të forta, ndërsa temperaturat po vazhdojnë deri në 38 gradë Celsius (100 ° F) në disa rajone duke e bërë të vështirë kontrollin e zjarreve.
Flakët në Greqi do të vazhdojnë, me erëra të forta dhe temperatura deri në 38 gradë C (100 F) të parashikuara në disa rajone të Shtunën.
Që nga 5 gusht, zonat e djegura ishin në përqindje më të lartë se mesatarja për periudhën 2008-2020, sipas Sistemit Evropian të Informacionit të Zjarrit në Pyje.
“Kur të mbarojë kjo verë makth, ne do ta kthejmë dëmin sa më shpejt të jetë e mundur”, u zotua kryeministri Kyriakos Mitsotakis, të shtunën.
Greqia dhe Turqia po luftojnë zjarret shkatërruese për më shumë se një javë pasi rajoni pëson valën e tij më të keqe të të nxehtit në dekada. Zyrtarët dhe ekspertët i kanë lidhur ngjarjet e tilla intensive të motit me ndryshimin e klimës.
