Kryeministri britanik thërret një takim urgjent të G-7ës për krizën në Afganistan

Evropë

Kryeministri britanik thërret një takim urgjent të G-7ës për krizën në Afganistan

Më: 22 gusht 2021 Në ora: 15:21
Boris Johnson

Kryeministri britanik Boris Johnson tha se ka thirrur një takim të udhëheqësve të G7 të martën për të diskutuar krizën në Afganistan dhe i kërkoi komunitetit ndërkombëtar të gjejë mënyra për të parandaluar përshkallëzimin e saj.

"Është jetike që bashkësia ndërkombëtare të punojë së bashku për të siguruar evakuime të sigurta, për të parandaluar një krizë humanitare dhe për të mbështetur popullin afgan për të siguruar fitimet e 20 viteve të fundit," tha Johnson të dielën në Twitter.

Pentagoni ndërkohë tha të dielën se po kërkon zyrtarisht ndihmë nga linjat komerciale ajrore për të zhvendosur të evakuuarit nga Afganistani pasi të kenë dalë nga vendi i tyre.

Sekretari i Mbrojtjes Lloyd Austin ka aktivizuar fazën fillestare të programit të Flotës Ajrore të Rezervës Civile, duke kërkuar 18 avionë: tre avionë nga secila linjë ajrore American Airlines, Atlas Air, Delta Air Lines dhe Omni Air; dy nga Hawaiian Airlines; dhe katër nga United Airlines.

Sekretari i Shtypit i Pentagonit John Kirby tha se Departamenti nuk parashikon ndonjë ndikim të madh në fluturimet komerciale nga ky aktivizim.

Sipas zotit Kirby, ata avionë nuk do të fluturojnë në Aeroportin Ndërkombëtar Hamid Karzai në Kabul por do të përdoren për të lëvizur udhëtarët nga pikat e tjera sapo të largohen nga Kabuli, duke lejuar ushtrinë amerikane të përqëndrohet në pjesën e evakuimit në Afganistan./VOA

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat