Pamje rrëqethëse nga droni në La Palma, destinacioni turistik shkatërrohet nga zjarri dhe hiri i llavës

Evropë

Pamje rrëqethëse nga droni në La Palma, destinacioni turistik shkatërrohet nga zjarri dhe hiri i llavës

Më: 25 tetor 2021 Në ora: 21:44
Foto

Pamjet e publikuara së fundmi që janë filmuar nga ajri me dron, shfaqin skenat rrëqethëse nga La Palma, ku vullkani Cumbre Vieha nuk ka të ndalur duke nxjerrë llavë, tym dhe hirin në ajër.

Qindra njerëz janë evakuuar të shtunën mbrëma, pasi që një lumë llave u fut thellë në qytetin e tyre, kurse të dielën dy rrjedha të saj u bashkuan duke u shndërruar në një rrjedhë gjigante.

Edhe pse shumica e ishullit me 85.000 banorë nuk është goditur nga shpërthimi i vullkanit, në pjesën perëndimore llava ka shkatërruar shtëpi dhe ka marrë jetë njerëzish.

Rreth 7.500 prej tyre janë detyruar të braktisin pronat e tyre dhe të largohen nga ishulli, që kur vullkani ka shpërthyer një muaj më parë, e shkencëtarët pretendojnë se shpërthimi mund të zgjasë për tre muaj.

Shumica e banorëve janë strehuar te familjarët apo miqtë, e rreth 430 prej tyre gjenden nëpër strehimore që i kanë hapur autoritetet lokale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat