Pasi YouTube mbylli kanalin e RT në Gjermani (RT DE), atëherë u pa e arsyeshme të kontrollohej se çfarë lloj "aktivitetesh subversive" në fushën e vaksinimit kryhen nga kjo medie në një vend kyç të Bashkimit Evropian.
Televizioni rus po i frikëson francezët me lajme që lidhen me vaksinat e vendeve perëndimore, duke i joshur me Sputnik V. Në Rusi, ekziston një shpjegim për vdekshmërinë enorme nga COVID-19: qytetarët janë fajtorë!
Del se tema e efekteve anësore të vaksinave të huaja, si dhe pasqyrimi i protestave kundër vaksinave, është më e rëndësishmja në rrjetin e RT France. Kur lexon me radhë titujt e 1,800 materialeve që kanë fjalën "vaksinim", del se kjo është një skizofreni e informacionit. Për më tepër, kjo nuk është kaotike, por e ndërtuar sipas skemave të thjeshta.
Për shembull, nëse në vendet perëndimore vendosen masat kufizuese, atëherë këto janë vendime jashtëzakonisht të diskutueshme nga paaftësia e qeverive, kundër të cilave rebelohet populli i indinjuar. Dhe megjithëse njerëzit janë kryesisht të vaksinuar, RT France pranon se niveli i vaksinimit në vend është një nga më të lartët në botë, atëherë ata nuk e marrin vaksinën. Për më tepër, ata janë "të detyruar" për t’u vaksinuar.
Perëndimorët mund të kenë zili: rusët nuk janë të detyruar të vaksinohen dhe në përgjithësi nuk ka kufizime.
Vendin e parë në pasqyrimin e kësaj teme e zë publikimi i lajmeve në lidhje me protestat e kundërshtarëve të masave kufizuese, siç janë lajmet për demonstratat kundër lejeve sanitare, kufizimeve apo vendosja e detyrueshme e maskave. RT France nuk i harron "heronjtë e vetmuar" të lëvizjes anti-vaksinim.
Ndonjëherë jepen lajme për mendimet e njerëzve nga kampi tjetër, pra nga njerëzit jo shumë të dashur të propagandës ruse.
Vëmendje e madhe i kushtohet publikimit të lajmeve negative për vaksinat e huaja si AstraZeneca, Pfizer dhe Moderna. Përdoret çdo detaj, sado i vogël. Në të njëjtën kohë, vaksina me numrin e referencave më të mëdha merret nga AstraZeneca, sepse po gënjehet se Sputnik V është prodhuar gjoja falë vjedhjes së formulës të AstraZeneca.
Jo më pak vëmendje i kushtohet "marshimit" të vaksinës ruse Sputnik V në botë: Franca "nuk e përjashton" përdorimin e saj, pastaj "Vladimir Putin i rekomandon Rexhep Tajip Erdoganit të vaksinohet me vaksinën tonë", pastaj "Irani dhe Palestina kanë filluar vaksinimin me Sputnik V", më pas “Venezuela blenë 10 milionë doza të Sputnik V”.
RT France në fushën e mbulimit të vaksinimit po ashtu bën komentimin e deklaratave dhe vendimeve të politikanëve, të cilat mund të përshkruhen si "Emmanuel Macron është një monark absolut, një mbytës i demokracisë, që nuk e ka idenë se çfarë vepron" apo "Putini është një mbrojtës i lirive individuale dhe kolektive ndaj COVID-19".
Raportet e rralla për situatën me COVID-19 në Rusi paraqiten pa komente ose me komentet të duhura. Për shembull, Moska vendos kufizime, ato u anuluan (përkundër faktit se situata me COVID-19 nuk ka ndryshuar), mirëpo të dyja pohimet janë të sakta.
Sa i përket shkallës së lartë të vdekjeve nga COVID-19 në Rusi, nuk mundet të gjenden shembuj se ku RT krahason statistikat me shifra më të favorshme në vendet evropiane.
Lajmet për rekordin e radhës të vdekshmërive në Rusi prezantohen shkurt e thatë, me komente si, "numri i ulët i vaksinimit, sipas zëdhënësit të Kremlinit, Dmitry Peskov shpjegon shkallën e lartë të vdekjeve. Peskov hedh poshtë idenë se autoritetet mund të bëjnë më shumë për të kufizuar shpërthimin e ri të pandemisë. Ai konfirmoi se ata po bënë gjithçka për t'i dhënë publikut një mundësi për t'u vaksinuar dhe në këtë mënyrë për të shpëtuar jetë".
A mund të quhet "efektive" kjo "vepër subversive"? Është e pamundur të matet, por disa të dhëna japin një ide të situatës në të cilën ndodhet tani Franca.
Deri në fund të tetorit, si në Francë ashtu edhe në Rusi, 49 milionë njerëz janë vaksinuar plotësisht [popullsia franceze është 67 milionë, ndërsa ajo ruse është 146 milionë]. Nëse i besoni të dhënave zyrtare, në këtë muaj shkalla e vdekjeve nga COVID-19 në Francë është të paktën 20 herë më e ulët se në Rusi.
Të dhënat e fundit, tregojnë se brenda një dite në Rusi kanë humbur jetën 1,195 persona, ndërsa në Francë vetëm 44. Përpara se të fillonte vaksinimi, qindra njerëz vdisnin nga COVID-19 çdo ditë në Francë.
