Orteku ‘varrosi’ tetë skiatorë në Austri, tre prej tyre nuk mbijetuan

Evropë

Orteku ‘varrosi’ tetë skiatorë në Austri, tre prej tyre nuk mbijetuan

Më: 5 dhjetor 2021 Në ora: 16:33
Foto ilustrim

Një ortek në rajonin e Salzburgut vrau tre persona dhe lëndoi dy të tjerë ndërsa po bënin ski jashtë pistës, tha të shtunën Kryqi i Kuq i Austrisë.

Sipas mediave të huaja, aksidenti ndodhi të shtunën rreth 2,400 metra në rrethin Lungau, menjëherë pas orës 13:45 me orën lokale, tha zëdhënësi i Kryqit të Kuq, Anton Schilcher për agjencinë APA.

Ndërkohë është bërë e ditur se bora zuri tetë persona nga grupi, tha zyrtari lokal i reagimit emergjent Christoph Wiedl për mediat lokale.

Dy nga viktimat ishin tashmë të vdekur kur trupat e tyre u gjetën, ndërsa i treti vdiq pasi u transportua me helikopter në spitalin në Klagenfurt.

Ndërsa dy skiatorët e lënduar u dërguan në spitalin e qytetit Tamsweg.

Skiatorët e kapur në ortek ishin nga një grup nga rajonet e Salzburgut dhe Austrisë së Epërme.

Vitet e fundit, mesatarisht rreth 20 njerëz në vit janë vrarë çdo vit nga ortekët në Austri.

Siç thuhet më tej, dy sezonet e fundit ishin më pak vdekjeprurëse pasi pandemia e coronavirusit zvogëloi numrin e njerëzve që shkuan për të skijuar në përgjithësi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat