Aksident i rëndë, vdesin 5 të rinj nga përplasja e autobusit me makinën

Evropë

Aksident i rëndë, vdesin 5 të rinj nga përplasja e autobusit me makinën

Më: 23 janar 2022 Në ora: 08:32
Pamje nga vendi i ngjarjes

Një aksident i rëndë ka ndodhur në Itali ku si pasojë kanë humbur jetën 5 persona, katër djem dhe një vajzë.

Mediat vendase bëjnë me dije se ngjarja e rëndë ka ndodhur në orët e vona të mbrëmjes së të shtunës në rrugën provinciale 45 në komunën Rezzato, në provincën e Brescia, ku një autobus është përplasur me një makinë duke u marrë jetën 5 të rinjve të moshës nga 17 në 22 vjeç.

Viktimat, disa me origjinë të huaj, udhëtuan për në Brescia me një makinë që u përplas kokë më kokë me një autobus që vinte nga drejtimi i kundërt.

Image
Pamje nga vendi i ngjarjes

Viktimat janë tre 20 vjeç të identifikuar si  Dennis Guerra, nga Sabbio Chiese, El Harram Imad, nga Preseglie dhe Natiq Imad, nga Pertica Bassa, 22-vjeçari Natiq Salà, nga Vestone, dhe një vajzë 17-vjeçare, Irene Sala.

Ndërkohë nga aksidenti ka shpëtuar shoferi i autobusit i cili ndodhet në gjendje shoku.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat