Kryeministri i Mbretërisë së Bashkuar Boris Johnson ka folur me presidentin e Kinës Xi Jinping për pushtimin e Ukrainës, thotë Downing Street, raporton BBC, transmeton Bota sot.
Telefonata mes tyre zgjati rreth 50 minuta mëngjesin e sotëm, tha një zëdhënës i kryeministrit.
Kuptohet se Johnson tha se duhet të bëhet presion ndaj Presidentit Vladimir Putin për të tërhequr trupat nga Ukraina.
Kjo vjen një javë pasi presidenti amerikan Joe Biden mbajti një telefonatë gati dy orëshe me Xi.
Gjatë asaj telefonate, Biden "përshkroi implikimet dhe pasojat nëse Kina ofron mbështetje materiale për Rusinë", tha Shtëpia e Bardhë.
