Një kryqëzor raketor rus në Detin e Zi është goditur nga raketat ukrainase.
Anija kryesore e flotës ruse të Detit të Zi, kryqëzori Moskva, po lundronte 25 milje detare nga Snake Island, në jug të Odesa-s, kur ndodhi sulmi.
"Si rezultat i një zjarri në kryqëzorin e raketave Moskva, shpërthyen municione. Anija u dëmtua rëndë", njoftoi Ministria ruse e Mbrojtjes në një deklaratë. Sipas Ministrisë ruse, ekuipazhi u evakuua plotësisht.
Tashmë janë publikuar edhe pamjet e shpërthimit të kryqëzorit me kapacitet 12,500 tonë dhe ekuipazh prej rreth 500 personash.
Videoja e sulmit e kryqëzorit rus pasi u godit nga raketa ukrainase, u publikua nga themeluesi i Regjimentit Azov, Andriy Biletsky, në Twitter.
💥 How "Moscow" burns: a video of the explosion of a Russian cruiser after being hit by a Ukrainian missile was published by the founder of the Azov Regiment, Andriy Biletsky#RussianWarship #StopRussia pic.twitter.com/KGnsc7WDrK
— WithUkraine 24/7 (@With__Ukraine) April 14, 2022
Maksym Marchenko, guvernator ukrainas në Odesa, që gjendet në Detin e Zi, tha se anija ruse u godit me dy raketa ukrainase Neptun, raketa që përdoren për të sulmuar anijet.
“Raketat Neptun në Detin e Zi kanë shkaktuar dëme serioze” ndaj anijes ruse, ka thënë ai në një postim në Telegram./Botasot
