​Sllovakia redukton ndjeshëm varësinë nga furnizimet me gaz rus

Evropë

​Sllovakia redukton ndjeshëm varësinë nga furnizimet me gaz rus

Më: 27 maj 2022 Në ora: 23:30
Foto ilustrim

Sllovakia ka reduktuar ndjeshëm varësinë e saj nga furnizimet me gaz nga Rusia, deklaroi kryeministri Eduard Heger dhe ministri i Ekonomisë Richard Sulik.

“Sot mund t’ju them se ne kemi ulur me 65% varësinë tonë nga gazi rus,” tha Sulik. Deri më tani, Sllovakia kishte blerë më shumë se 80% të gazit të saj natyror nga Rusia.

Heger njoftoi gjithashtu fillimin e operacioneve testuese të një tubacioni që lidh Poloninë dhe Sllovakinë në një stacion kompresor gazi natyror të sapondërtuar në komunën lindore sllovake të Vyrava.

”Tubacioni, i ndërtuar me financimin e BE, do të lejojë Sllovakinë të marrë gjithashtu gaz nga Norvegjia dhe jashtë saj”, theksoi ai.

Sulik njoftoi nënshkrimin e disa kontratave të furnizimit me gaz. Një marrëveshje me Norvegjinë mund të mbulojë 32% të nevojave të Sllovakisë duke filluar nga qershori. Një tjetër 33% do të vinte nga marrëveshje të tjera për furnizimin e gazit të lëngshëm nga cisternat nëpër Detin Baltik dhe Poloni.

Për shkak të pushtimit rus të Ukrainës, disa vende evropiane po punojnë për të reduktuar varësinë e tyre nga furnizimet me gaz rus.

commentFirst article
Sot mund të lexoni Shfletoni kopertinat