Natyra rekuperohet ngadalë në ishullin grek, një vit pas zjarreve shkatërrimtare në Evia

Evropë

Natyra rekuperohet ngadalë në ishullin grek, një vit pas zjarreve shkatërrimtare në Evia

Më: 23 qershor 2022 Në ora: 19:55
Foto ilustrim

Gjelbërimi ka nisur ngadalë të çajë mes tokave të thara e pyjeve të djegur në ishullin grek të Evia, një vit pas zjarreve masive të verës së shkuar.

Në 2021 flakët shkatërruan rreth një të tretën e mbulesës pyjore të ishullit, ku fermerët dhe rritësit e blerëve ende vuajnë pasojat.

Teksa sezoni i zjarreve kërcënon ishullin përsëri, zyrtari i pyjeve Elias Apostolidis thotë se qëllimi kryesor është evitimi i asaj që ndodhi verën e shkuar.

“Në disa zona ka rekuperim më të mirë se të tjerat”, thotë ai teksa janë ende të dukshme faqet e nxira të maleve dhe kufomat e pemëve të djegura.

Zyrtarët shtojnë se pyjet e lëndinat që prodhonin mjaltin më të mirë të zonës do të duan dy dekada për t’u rekuperuar, ndërsa mënyra më e mirë është që natyra të ringrihet me forcat e saj.

Për dy javë gushtin e shkuar rreth 40,000 hektarë u përfshinë nga tymi e zjarri në Evia, 80 kilometra në lindje të Athinës në një shkatërrim masiv të botës vegjetative.

Mijëra vendas e turistë u larguan drejt veriut të ishullit mes skenave apokaliptike të evakuimeve e shkatërrimit.

Verën e kaluar zjarret përfshinë të gjithë Evropën jugore, madje dhe Turqinë e Algjerinë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat