Princi Charles pranoi një valixhe me 1 milion euro nga ish-kryeministri i Katarit

Evropë

Princi Charles pranoi një valixhe me 1 milion euro nga ish-kryeministri i Katarit

Më: 26 qershor 2022 Në ora: 15:50
Princi Charles

Princi i Uellsit pranoi një valixhe, që përmbante një milion euro, nga një ish-kryeministër i Katarit, ka raportuar Sunday Times.

Gazeta thotë se ky ishte një nga tre donacionet e Sheikh Hamad bin Jassim, nga tre milionë euro në total.

Clarence House tha se donacionet nga sheiku iu kaluan menjëherë një prej bamirësive të princit dhe u ndoqën të gjitha proceset e duhura.

Nuk ka asnjë sugjerim që pagesat ishin të paligjshme.

Sipas Sunday Times, Princit Charles pranoi tri herë personalisht para nga ish-kryeministri midis 2011 dhe 2015.

Fondet u morën nga Fondi Bamirës i Princit të Uellsit, qëllimi i deklaruar i të cilit është “të transformojë jetët dhe të ndërtojë komunitete të qëndrueshme”, duke dhënë grante për kauza të mira në fusha të tilla si konservimi, arsimi, shëndetësia dhe përfshirja sociale.

Fondi i tha Sunday Times se administruesit e tij kishin arritur në përfundimin se donatori ishte legjitim dhe se auditorët e tij kishin nënshkruar dhurimin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat