“Hasta la vista, baby! Thank you”, këto ishin fjalët e fundit të Boris Johnson si kryeministër në dhomën e parlamentarëve britanikë.
Johnson tha se ai do të përdorë javët e tij të fundit në detyrë për të “përparuar në axhendën për të cilën ata u zgjodhën në 2019.
“Ne kemi ndihmuar, unë kam ndihmuar që ky vend të kalojë një pandemi dhe kam ndihmuar në shpëtimin e një vendi tjetër nga barbaria. Dhe sinqerisht, kjo është e mjaftueshme për të vazhduar me tej. Misioni u krye. Dua të falënderoj të gjithë stafin e mrekullueshëm të Dhomës së Komunave, dua të falënderoj të gjithë miqtë dhe kolegët e mi, faleminderit të gjithëve”, tha Boris Johnson.
Në ndërkohë, deputetët konservatorë kanë nisur votimin për të zgjedhur dy kandidatët përfundimtarë që konkurrojnë për ta zëvendësuar Boris Johnson.
