​Gjukanoviq: Rinovim i mundshëm i iniciativës për shkurtimin e mandatit të Kuvendit të Malit të Zi

Evropë

​Gjukanoviq: Rinovim i mundshëm i iniciativës për shkurtimin e mandatit të Kuvendit të Malit të Zi

Më: 1 tetor 2022 Në ora: 23:28
Presidenti i Malit të Zi, Milo Gjukanoviq

Presidenti i Malit të Zi, Milo Gjukanoviq, e quajti “jo kushtetuese” idenë e rishqyrtimit të kandidaturës së Miodrag Lekiqit për mandatin qeveritar dhe tha se ekziston mundësia e rinovimit të iniciativës për shkurtimin e mandatit të Kuvendit.

Gjukanoviq tha se ai dhe një grup prej së paku 25 deputetësh kanë në dispozicion rinovimin e iniciativës për shkurtimin e mandatit, njoftoi Radiotelevizioni i Malit të Zi, duke cituar pjesë nga intervista me Zërin e Amerikës.

“Ne do të vazhdojmë me iniciativa të ndryshme, duke u kujdesur gjithmonë për respektimin e Kushtetutës”, tha ai.

Gjukanoviq shprehu shpresën se parlamenti nuk do të merr një qëndrim përfundimtar duke vendosur të premten që të mos shqyrtohet iniciativa e tij për shkurtimin e mandatit të deputetëve dhe daljen në zgjedhje të parakohshme.

Ekziston mundësia e rinovimit të iniciativës “të cilën e testova dje në parlament”, përfundoi Gjukanoviq, duke theksuar se mbajtja e zgjedhjeve të jashtëzakonshme është i vetmi skenar i mundshëm.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat