Ministrja gjermane e Mbrojtjes, Christine Lambrecht, e cila mbrëmë pa kurrfarë paralajmërimi udhëtoi në Odesa të Ukrainës, gjatë një bisede homologun ukrainas Oleksii Reznikov, i premtoi se do të dërgojnë sisteme raketore kundërajrore IRIS-T SL, por jo edhe tanke, shkruan Welt.
Lambrecht në Odesa kreu inspektimin e topave kundërajror gjerman “gepard” gjatë takimit më Reznikovin, duke paralajmëruar se së shpejti do të arrijnë edhe sistemet kundërajrore IRIS-T SLM.
“Ukraina tani po ballafaqohet me numër të madh të sulmeve ajrore, kështu që mbrojtja përfshirë edhe fluturaket pa pilotë, janë shumë të rëndësishëm”, tha Lambrecht.
Sa i përket kërkesës së Ukrainës për furnizim me tanke, ajo tha qartë se Gjermania nuk mund ta zgjidh këtë çështje pa marrëveshje me partnerët në NATO.
“Gjermania prej fillimit ka qenë e qartë se nuk do të veprojë e vetme në këtë fushë. Ukraina gjithashtu e di se pa koordinim me partnerët tanë nuk mund të bëhet asgjë”, shtoi ministrja gjermane e Mbrojtjes.
E vizitës e saj në Ukrainë e ka konfirmuar në Twitter vet ministria që ajo drejton, duke pranuar se në Odesa është takuar me Reznikovin.
