Alarm për bombë në avionin drejt Britanisë së Madhe, piloti bën ulje emergjente në Pragë

Evropë

Alarm për bombë në avionin drejt Britanisë së Madhe, piloti bën ulje emergjente në Pragë

Më: 5 dhjetor 2022 Në ora: 11:03
Foto ilustrim

Një avion që po shkonte drejt Mbretërisë së Bashkuar ka devijuar për në Pragë pasi u ngrit alarmi për “bombë të mundshme” në bord.

Avioni po fluturonte për në Bristol nga Polonia kur piloti u detyrua të ndryshonte rrugën drejt kryeqytetit çek.

Një ulje emergjente u bë në orën 22:50 të mbrëmjes së kaluar në aeroportin Vaclav Havel të Pragës.

Aeroporti shkroi në Twitter: “U raportua për një bombë të mundshme në bordin e një avioni.”

“Të gjitha veprimet për të garantuar sigurinë e pasagjerëve dhe të gjithë trafikut ajror aktualisht po kryhen nga policia e Republikës Çeke.”

Policët çekë dërguan në vendin e ngjarjes ekspertët e eksplozivëve, të cilët hetuan pajisjen e raportuar.

Aeroporti më vonë konfirmoi se “asnjë objekt i rrezikshëm nuk u gjet në aeroplan pasi inspektimeve.”

EasyJet është kontaktuar për një koment.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat