Ministri i Jashtëm suedez Tobias Billstrom do të takojë homologun e tij turk, Mevlüt Çavuşoğlu në një mbledhje të ministrave të jashtëm të NATO-s në Oslo.
Billstrom, tha se takimi do të zhvillohet “së shpejti”.
Diskutimet mes dy vendeve për NATO-n u ndalën gjatë zgjedhjeve të fundit turke, të cilat tashmë i ka fituar Recep Tayyip Erdoğan .
Suedia në të kaluarën e ka akuzuar Turqinë për të drejtat e saj të njeriut, ndërsa Ankaraja është e pakënaqur që Stokholmi, në sytë e saj, ka strehuar grupe që Turqia i konsideron si terroristë. Aplikimi i Finlandës për t’u bashkuar me NATO-n është miratuar, por ai i Suedisë ende varet nga ratifikimi nga Turqia dhe Hungaria.
