Laburistët tërhiqen nga premtimi për investime 28 miliardëshe në industritë e gjelbërta

Evropë

Laburistët tërhiqen nga premtimi për investime 28 miliardëshe në industritë e gjelbërta

Nga: F.S. Më: 12 qershor 2023 Në ora: 08:47
Rachel Reeves

Duke fajsuar Konservatorët për përplasje të ekonomisë, Rachel Reeves, anëtare e grupit të Labouristëve ka mohuar mundësitë e zbatimit të projekteve për hapsira të gjelbërta.

"E vërteta është se nuk e parashikova se çfarë do të bënin konservatorët për ekonominë tonë," tha politikanja britanike Reeves duke vazhduar rënditjen e arsyeve për këtë vendim.

Sipas saj, rritja e normave të interesit,lufta në Ukrainë,ngritja e flamacionit dhe normave të interesit kanë vishtirësuar gjërat andaj stabiliteti financiar duhet të të jetë në rend të parë.

Shpenzimi i 28 miliardë paundëve në vit deri në vitin 2030 për projekte të gjelbra, të financuara nga huamarrja ishte premtim i parties Laburiste në vitin 2021.

Mirëpo në vend të kësaj, Reeves tha se tani do të rriste investimet me kalimin e kohës nga një fitore në zgjedhjet e 2024, duke arritur në 28 miliardë paund në vit pas 2027.

E ftuar në programin Today të Radio 4, zonja Reeves shtoi se edhe Mini-buxheti i ish-kryeministrit Liz Truss vitin e kaluar, i cili përfshinte miliarda paund kishte shkaktuar trazira në tregjet financiare

E pyetur se sa investime do të kishte në vitin e parë të qeverisjes ajo nuk tregoi ndonjë shifër konkrete,me arsyetimin se sfondi ekonomik nuk do të ishte i qartë deri më afër kohës.

Gjatë vitit 2021, zonja Reeves tha se 28 miliardë paund do të shpenzohen në projekte si fermat e erës në det të hapur dhe zhvillimin e baterive për automjetet elektrike.

Premtimit për këto investime i’u janë ngritur shqetësime nëse 28 miliardë funta janë të përballueshme në kontekstin aktual.

Kryetari i Partisë Konservatore Greg Hands tha se politika kryesore ekonomike e laburistëve ishte "në rrënim" pasi ata e kuptuan se "kjo do të çonte në katastrofë".

"Nuk ka rëndësi nëse ata përpiqen dhe pretendojnë të kundërtën, plani i Laburistëve mbetet për të mbajtur 28 miliardë paund hua në kartën e kreditit të qeverisë, e cila do të çojë në inflacion më të lartë dhe norma interesi më të larta," tha ai.

Edhe Udhëheqësi i SNP-së në Westminster, Stephen Flynn tha se masa ishte "më e fundit në një linjë të gjatë premtimesh të thyera" nga Laburistët, të cilat "mund të kenë pasoja shumë reale dhe të dëmshme për potencialin e energjisë së gjelbër të Skocisë".

Ndërsa Bashkëudhëheqësi i Partisë së Gjelbër, Adrian Ramsay tha se laburistët kishin ofruar një politikë e cila "nuk shkon aq larg sa duhet" dhe më pas "të rikthehet në shenjën e parë të ndonjë vështirësie".

Në mesin e premtimeve, Laburistët kanë shtuar edhe përpjekjet e krijimit të një kompanije publike të energjisë së rinovueshme për të krijuar vende pune dhe për të përmirësuar sigurinë energjetike të vendit.

comment Për komente lëvizni më poshtë
Sot mund të lexoni Shfletoni kopertinat