Emisari i BE-së, Miroslav Lajçak, në Budapest është takuar me ministrin e Jashtëm të këtij vendit, Péter Sztáray, me të cilin tha se ka folur për zhvillimet aktuale në Ballkanin Perëndimor.
Lajçak tha se me të ka folur edhe për planet që ka Presidenca hungareze, e cila kryeson Këshillin e BE-së në këtë gjashtëmujor, për këtë rajon.
“Në Budapest, diskutova zhvillimet aktuale në Ballkanin Perëndimor dhe planet e Presidencës hungareze me Sekretarin e Shtetit Péter Sztáray. E mirëprita gjithashtu mundësinë për të trajtuar Bisedimet e Budapestit për Energjinë dhe Sigurinë mbi temën e rëndësishme të BE-së si aktor i politikës së jashtme”.
Hungaria ka radhën e udhëheqjes së Presidencës së BE-së nga 1 korriku deri më 31 dhjetor 2024.
