Verstappen bën llogaritë

Formula 1

Verstappen bën llogaritë

Më: 14 shtator 2022 Në ora: 19:25
Verstappen bën llogaritë

Kur kanë mbetur edhe 6 gara nga përfundimi i sezonit 2022 në Formula 1, piloti holandez i Red Bull, Max Verstappen, ka 116 pikë avantazh ndaj Charles Leclerc dhe 125 ndaj shokut të tij të skuadrës Sergio Perez.

Një avantazh i konsiderueshëm, duke mbyllur teorikisht garën për titullin kampion për pilotë këtë sezon.

Vetëm aritmetika ndan Verstappen nga titulli i dytë kampion radhazi, i cili mund të vijë që garën e ardhshme në Singapor. Në rast se holandezi fiton në garën e radhës, duke realizuar edhe xhiron e shpejtë, ndërsa Leclerc renditet i teti dhe Perez i katërti, atëherë do të kemi një kampion që pas 10 ditësh.

Verstappen shpallet kampion bote edhe pa xhiron e shpejtë, por në këtë rast Leclerc duhet të renditet i nënti dhe Perez i katërti.

Gjithsesi, pavarësisht kombinimeve, titulli kampion është çështje e mbyllur dhe holandezi herët a vonë do të festojë. Ndoshta në Japoni (Suzuka) apo Amerikë (Austin), ku zhvillohen garat e radhës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat