Të shtunën në mbrëmje, një burrë në Löhne në rrethin Herford në Gjermani, qëlloi disa herë anëtarët e familjes së tij. Kunata e tij 33-vjeçare u plagos për vdekje. Ajo vdiq rrugës për në spital, raporton 1.wdr.de, përcjell Bota sot.
Në mbrëmje, i dyshuari 48-vjeçar që raportohet se është nga Ferizaj i Kosovës, hyri në banesën e familjes, nga e cila tani është ndarë.
Ai qëlloi disa herë përreth dhe goditi të vëllanë dhe kunatën e tij. Gruaja vdiq nga plagët e saj, vëllai është plagosur rëndë në spital.
Gjashtë fëmijët e tyre thuhet se kanë parë se si burri ka sulmuar banesën.
Autori i dyshuar përfundimisht u arrestua dhe është gjithashtu i plagosur rëndë. Policia flet për një mosmarrëveshje familjare, mirëpo prejardhjet e mëtejshme janë ende të paqarta./BS
