Festë dhe evente artistike për Ditën e Flamurit në botë/ Në Shtutgart, konsujt shqiptarë apelojnë për mbrojtjen e gjuhës shqipe

Gjermania

Festë dhe evente artistike për Ditën e Flamurit në botë/ Në Shtutgart, konsujt shqiptarë apelojnë për mbrojtjen e gjuhës shqipe

Më: 28 nëntor 2021 Në ora: 18:59
Foto

Aktivitetet për Festën e Flamurit janë mbajtur këtë 28 Nëntor dhe në Gjermani.

Konsullata e Përgjithshme e Republikës së Shqipërisë në Mynih dhe Konsullata e Përgjithshme e Republikës së Kosovës në Shtutgart organizuan eventin, ku i pranishëm ishte edhe ish-Presidenti i Shqipërisë, Alfred Moisiu.

Të ftuarit u bënë pjesë e një program të shkurtër artistik që kulmoi me premierën e filmit “Zgjoi”.

 “Ne kemi dy shtete shqiptare në rajon, Shqipërinë, vend anëtar të NATO-s dhe kandidat potencial për të hyrë në Bashkimin Europian. Si dhe Kosovën, e pavarur dhe sovrane, që pas luftës heroike të UÇK-së dhe mbështetjes së SHBA dhe aleatëve të tjerë perëndimorë, sot e kemi një vend demokratik, të njohur nga 117 vende të botës, nënshkruese të marrëveshjes së stabilizim-asocimit, e cila po ndjek me përpikmëri procesin dhe rrugën integruese për të qenë në të ardhmen një anëtare e denjë e familjes europiane,” tha kosnulli Arten Hanku.

“Politikanët duhet të bëjnë çmos që mos të shohin interesat e tyre, të shkëputur nga realiteti dhe nevoja e vetë popullit shqiptar. Pra, shumë vendime marrin, por këto vendime duhen realizuar dhe ne duhet t’u bëjmë presion e t’i kërkojmë llogari për këtë punë. Është turp dhe nuk është mirë që gazetarët tanë të flasin në gjuhë të ndryshme, nuk flas për dialektin, por për gjuhën e një kombi që duhet të ketë një gjuhë zyrtare si gjithë kombet e qytetëruara të Europës. Gjithashtu duhet të kemi drejtshkrimin e përbashkët. Unë për shembull, pavarësisht se kam lindur në Shkodër, me origjinë jam nga Kavaja. Prindërit e mi janë nga Kavaja. Por nuk vihen re në gjuhën time. Sepse unë flas shqipen, shqipen tonë që duhet ta përdorim të gjithë,” tha ish-presidenti Moisiu.

Pjesëmarrësit duartrokitën performancën e çiftit të artistëve, Gashi, kompozitorë e këngëtarë, si dhe interpretimin profesionist të aktorëve të filmit “Zgjoi”, të vlerësuar nga kritika.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat