Detaje të reja nga ngjarja tragjike në Berlin: Qytetari nga Kosova u vra nga policia me dy plumba

Gjermania

Detaje të reja nga ngjarja tragjike në Berlin: Qytetari nga Kosova u vra nga policia me dy plumba

Më: 6 shtator 2022 Në ora: 14:14
Foto ilustrim

Detaje të reja kanë dal nga ngjarja tragjike si pasojë e së cilës nga policia i vra një 23 vjeçar nga Kosova, pasi e kishte mbytur me sëpatë një grua 27 vjeçare nga Ukraina.

Ngjarja ndodhi mëngjesin e së dielës në Lichtenberg të Berlinit.

Kjo i ka tronditur banorët e ndërtesës ku ka ndodhur krimi.

Mediat gjermane raportojnë se i dyshuari brenda ndërtesës i kishte goditur së paku tetë dyer duke lënë në to edhe gjurmë të gjakut.

Bëhet e ditur se kosovari me sëpatën e përgjakur i ka thyer edhe ngrohëset duke e dëmtuar sistemin e ujit brenda ndërtesës.

Gazeta gjermane Bild në shkrimin e ditës së sotëm shkruan:

A ishte akti i një të çmenduri të dehur nga droga dhe alkooli?”.

Tutje në gazetë shkruan se në momentin e arritjes së policisë, i dyshuari u gjet duke e goditur viktimën me sëpatë, andaj zyrtarët policorë u detyruan që ta përdorin armën e zjarrit.

Ndërkaq Berliner-Kurier, në artikullin e djeshëm shkruan se ukaniasja 27-vjeçare kishte punuar si prostitutë dhe se lidhjet e kosovarit dhe të ukrainases janë biznesore.

Sipas hetuesve 23 vjeçari nga Kosova mund të ketë qenë tutor i saj.

Ndër të tjerat përmendet se të dy viktimat mund të kishin qenë nën ndikimin e drogës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat