Zhduken tri vajza nga Kosova në Gjermani, ja fotot e tyre dhe historia e natës së fundit ku u panë

Gjermania

Zhduken tri vajza nga Kosova në Gjermani, ja fotot e tyre dhe historia e natës së fundit ku u panë

Më: 12 shtator 2022 Në ora: 15:36
Denisa, Anila dhe Suela

Tre vajza me prejardhje nga Kosova janë shpallur të zhdukura në Gjermani.

Denisa, Anila dhe Suela u nisën me autobus për të vizituar festivalin e qytetit në Lünen, por nuk u panë më.

15, 16 dhe 17 vjeçaret janë në kërkim që nga e shtuna.

Një familjar i tyre ishte marrë vesh që t’i priste tek stacioni i autobusëve në Bergkamen, por që asnjëra prej tyre nuk u bë e gjallë atje.

Që atëherë nuk ka pasur asnjë gjurmë prej tyre.

Një zëdhënës i policisë gjermane ka thënë se kontakti i fundit ishte përmes whatsapp rreth orës 21:30. Pas kësaj, të trija vajzat fikën celularët.

Që atëherë as familjarët e adoleshenteve nuk kanë pasur asnjë kontakt.

Policia ka publikuar fotografitë e tyre ndërsa ka thënë se deri më tani nuk ka prova për një krim.

Image
Image
Image

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat