SHKSH, "Kadri Zeka" me seli në Nürtingen (DE), shënon përvjetorin e 30-të, jubilar!

Gjermania

SHKSH, "Kadri Zeka" me seli në Nürtingen (DE), shënon përvjetorin e 30-të, jubilar!

Nga: Fatmir Bajraj Më: 16 tetor 2022 Në ora: 16:22
Foto ilustrim

30 vite më parë, ishin afruar njëri me tjetrin, duke asociuar në këtë "organizëm", duke dhënë mund e djersë, pa hezitim dhe pa kursyer asgjë nga vetja dhe as vetën, për t'i dalë krah atdheut të sfiduar nga armiku i egër serbo-sllav që synonte, zhbërjen e tij dhe shfarosjen tonë!

Mbrëmë, me 15.10.22, në Wernau afër Shtutgartit, SHKSH "Kadri Zeka", me rastin e jubileut të tridhjetë vjetorit të themelimit të kësaj shoqate zëmadhe dhe veprimtarisë së saj të bujshme, në praninë e mediave, përkatësisht të RTK-së, përmes gazetarit dhe kameramanit të mirënjohur, z.Halil Rrustemaj, organizoj një eveniment meritor, duke filluar nga programi i begatë & larmishëm kulturor, prëzenca e përfaqësuesve të SHKSH-ve simotra, në Baden Würtemberg dhe mbarë Gjermanisë, prezenca e familjeve të dëshmoreve & heronjve të Kosovës, siq ishin ; z.Smajl Çekaj, vëlla i Heroit Sali Çekaj & z.Fazli Hajdaraj, vëlla i Heroit Smajl Hajdaraj, si dhe pjesëmarrja dhe prezenca e përfaqësisë konsullore të Republikës së Kosovës në Shtutgart të Gjermanisë, në krye me Konsullen e përgjithshme, zonjën Lumturie Lipoveci !

Me moderimin brilant & par-exelent, të udhëheqësve të programit festiv, nga ana e binomit ; Mejdi Laçaj & Filloreta Shahini, intonimit të himnit kombëtarë e shtetëror, fillon evenimenti jubilar i kësaj shoqate e cila mbanë emrin e njërit nga pishtarët e lirisë së atdheut, heroit Kadri Zeka !

Pjesëmarrje masive, atmosferë impozante të cilën e përshkonte një frymë e jashtzakonshme pozitive si refleksion retrospektive dhe nostalgjie për një periudhë tridhjetëvjeçare, të një epoke sfiduese dhe kruciale për fatet e kombit dhe t ‘atdheut, atëherë kur lindi SHKSH "Kadri Zeka", me 12.09.1992, si nevojë imediate e kohës dhe si përgjigje atdheut, tani më të pavarur me vullnetin e Sovranit, të sanksionuar me aktet legale historike të Kuvendit të Kosovës me 2 korrik e 7 shtator 1990 dhe me një pushtet gadi absolut moral, por me një pushtet të dhunës dhe të dhunshëm të instaluar nga pushtuesi shekullor, serbo-sllav në anën tjetër.

Tri dekada ; gjallëri, aktivitete dhe kontribut atdheut !

Thirret n ‘skenw, Kryetari i Shoqatës, z. Taxhidin Bakija për t'i përshëndetur t ‘pranishmit, dhe më pas edhe Kryetari i nderit të kësaj shoqate, ish kryetari i saj, z. Xhafer Leci për një fjalë rasti !

Z.Xhafer Leci, i ngarkuar nga shoqata për një fjalë rasti, fillimisht foli për heroin Kadri Zeka, emrin e të cilit me nder e krenari mbanë kjo shoqatë, por duke mos lënë anash as Jusuf & Bardhosh Gërvalla, për të cilët foli me pietet dhe n'superlativ, si veprimtar politik dhe ushtar të atdheut, të atentatuar së bashku nga UDB-ja serbo-sllave në 17 Janarin e 1982, afer Shtutgartit në Gjermani.

Z.Xhafer Leci, përveç tjerash, shpalosi dhe evokoj kujtimet e itinerarit dhe rrugëtimit të SHKSH "Kadri Zeka", në vlugun e ngrjeve të bujshme poltike të kohës, duke skanuar në mënyrë perfektë të dhënat ; datat, shifrat, kontributet dhe destinacionet , që nga organizimi dhe mirëmbajtja e mbijetetsës në Kosovën e robëruar dhe të shtypur nga represioni e eger i pushtuesit serb, deri të suporti finansiar e material i rezistencës së armatosur, si krah i lëvizjes nacionale për liri & pavarësi, nw krye me presidentin historik, dr. Ibrahim Rugova !

Madje, këtë krah të rezistencës, e ka ndihmuar edhe në Iliridë & n ‘Kosovën Lindore.

Në skenë doli edhe grupi vallëzues i SHK " Nëna Terezë" me seli në Göpingen me valle-kolazh nga viset shqiptare, i cili u mirëprit nga të pranishmit dhe u përcoll me entuziazëm e kërshëri ekskluzive.

Tubimit në këtë jubile, iu drejtua me një fjalë rasti dhe përshëndetëse, zonja Lumturie Lipoveci, konsule e përgjithshme e Kosovës në Shtutgart (BW) të Gjermanisë, e cila përveç përshëndetjes, urimit dhe falënderimit, ajo shprehu kënaqësinë që gjendej n ‘mesin e mërgimtareve dhe veprimtarëve të shquar të çështjes së atdheut, dhe u zotua që institucionet e Republikës së Kosovës dhe përfaqësitë saja diplomatike gjithandej, do të jenë, jo vetëm falënderues, por edhe në krah të kërkesave dhe nevojave të bashkatdhetarëve tanë.

Evenimentin e përgëzuan dhe përshëndeten, shumë nga kryetarët e shoqatave simotra, sikur ;

Viktor Spaqi, Osman Ferizi, ish Kryetari i parë i SHKS 2Kadri Zeka", z.Faredin Emerllahu, Jahja Gashi, Brahim Halimi, Naser Hoxhaj, Arxhend Hasani, Ragip Prapashtica, Xhevdet Syla, Sadik Zogaj, Abaz Imeri, xhevdet Nikqi, dhe unë autori i këtyre rreshtave.

Veçoj këtu, daljen në skenë dhe përshëndetjen e t ‘pranishmëve n ‘këtë jubile t ‘rëndësishëm, të vëllezërve të heronjve të Kosovës, të z. Smajl Çekaj, vëlla i SALI ÇEKAJ, dhe z. Fazli Hajdaraj, vëlla i heroit SMAJL HAJDARAJ !

U lexuan telegrame urimi dhe u ndanë mirënjohje, për SHKSH dhe veprimtarë të dalluar të çështjes kombëtare përmes këtij profilit të asocimit (SHKSH) !

Para se t ‘përmbyllej ky manifestim kulturor & kombëtarë. në skenë u ftua grupi folklorik i udhëhequr nga rapsodi, z. Osman Loku, të cilët përmes telave të sharkisë e çiftelisë dhe me zërin e tyre të ëmbël, plotësuan dëshirat e t ‘pranishmëve !

Fjala përmbyllëse e programit festiv i'u dha kryetarit të nderit të SHKSH, "Kadri Zeka", z.Xhafer Leci , i cili falënderoj pjesëmarrësit dhe uroj në kontnuitetin e veprimit dhe angazhimit deri në plotësimit dhe arritjes së realizimit të aspiratave kombëtare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat