Kurti: Hyseni i përgjigjet asaj që Gjilanit i ka munguar me vite

Gjilani

Kurti: Hyseni i përgjigjet asaj që Gjilanit i ka munguar me vite

Më: 11 nëntor 2021 Në ora: 18:45
Alban Hyseni

Kryeministri i Kosovës, Albin Kurti, ka vazhduar fushatën e tij në mbështetje të kandidati të Lëvizjes Vetëvendosje për kryetar të Gjilanit, Alban Hyseni.

Kurti tha se Hyseni është politika e rë që i duhet Gjilanit, pasi sipas tij, ai është zë i qetë por që dëgjohet larg.

“E ka dijen nga shkollimi dhe studimi, nga aktiviteti publik dhe Lëvizja VETËVENDOSJE!, nga familja e historia e këtij qyteti. Albani i përgjigjet me saktësi asaj që Gjilanit i ka munguar me vite”, ka shkruar Kurti në llogarinë e tij në Facebook.

Më tej, Kurti tha se pavarësisht moshës së Hysenit, biografia profesionale e politike e tij është e pasur, dhe kjo, sipas Kurtit, ia shton Hysenit potencialin si intelektual me energji e mendësi të re.

“Mbi të gjitha, ai është një i ri që nuk kujdeset veç për të rinjtë por për secilën moshë, gjini e kategori. Sa shumë nevojë ka Gjilani mu për këtë”, shkroi Kurti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat