​Gjilani pajiset me automjet me shkallë hidraulike për shuarjen e zjarrit

Gjilani

​Gjilani pajiset me automjet me shkallë hidraulike për shuarjen e zjarrit

Më: 12 shtator 2022 Në ora: 15:24
Foto ilustrim

Zjarrfikësit e Gjilan janë pajisur me një automjet me shkallë hidraulike në gjatësi prej 30 metra për shuarjen e zjarrit.

Komuna ka bërë të ditur se shkalla e parë hidraulike po vihet në funksion. Kjo u bë e mundur falë ndihmës dhe bashkëpunimit me bashkatdhetarët dhe organizatën gjermane, që mundësuan sigurimin e kësaj makine të vlefshme për komunën tonë dhe trajnimin e stafit për këtë qëllim

“Njësiti i zjarrfikësve në Gjilan është pajisur me një automjet me shkallë hidraulike në gjatësi prej 30 metra për shuarjen e zjarrit. Kryetari i Komunës, Alban Hyseni, ka thënë shkalla e parë hidraulike po vihet në funksion, duke shtuar se e gjithë kjo u bë e mundur falë ndihmës dhe bashkëpunimit të mirë me bashkatdhetarët tanë dhe organizatën gjermane, që mundësuan sigurimin e kësaj makine të vlefshme për komunën tonë dhe trajnimin e stafit për këtë qëllim.

“Mirënjohje dhe falënderim për organizatën gjermane "Konvoi der Hoffnung", vëllezërit Orana, Orani Group GmbH, Heidelberg, Orani GmbH Karlsdorf dhe Orani Malersysteme AG Zürich, aktivisten Sabile Aliu Sahiti, aktivistin Veli Hyseni dhe gjithsecilin për angazhimin. Tashmë jemi më të sigurt. Bashkë, punojmë pa ndalë”, ka thënë kryetari Hyseni, thuhet në njoftimin e Komunës së Gjilanit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat