Numri i aksidenteve si pasojë e motit të ligë, por dhe moskujdesit gjatë vozitjes, ditëve të fundit është rritur.
Mëngjesin e sotëm një veturë ka goditur një këmbësor në fshatin Skivjan të Gjakovës.
Këtë e ka konfirmuar për IndeksOnline, Nysret Gjurkaj, zëdhënës i Policisë në Rajonin e Gjakovës.
“Sot rrëth orës 09:00 në fshatin Skivjan, ka ndodhë një aksident trafiku mes një veture dhe këmbësori.
Deri te aksidenti ka ardhë kur këmbësori ka tentuar ta kalojë rrugën dhe gjatë kalimit goditet me automjetin, i cili ishte në lëvizje në drejtim të Deçanit”, ka thënë ai.
I njëjti sipas sipas Gjurkajt, është dërguar në Emergjencën e Spitalit Rajonal dhe gjendja e tij është stabile.