Detaje nga vrasja në Mitrovicë: Viktima është një 23-vjeçar

Kronikë

Detaje nga vrasja në Mitrovicë: Viktima është një 23-vjeçar

Më: 12 shkurt 2021 Në ora: 23:51
Pamje nga vendi i ngjarjes

Një person i moshës 23-vjeçare ka mbetur i vrarë gjatë mbrëmjes së sotme në qytetin e Mitrovicës. Si pasojë e të shtënave të armëve, 23-vjecari raportohet të ketë vdekur në vendin e ngjarjes. Ndërkohë dy persona të tjerë janë plagosur.

Detaje për vrasjen e këtij të riu kanë dhënë nga policia rajonale e Mitrovicës.

“Sonte  rreth  orës 22:20, policia  ka marrë informacion për të shtëna  me arme zjarri në  rrugën ‘Bislim Bajgora’ në Mitrovicë.  Menjëherë pas marrjes së këtij informacioni në vendin e ngjarjes kanë dalë të gjitha njësitet  e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes”, thuhet në përgjigjen e policisë.

Sipas policisë, bazuar në të dhënat fillestare, nga arma e zjarrit  janë plagosur tre persona, si pasojë  njëri nga te plagosurit i moshës 23 vjeçare ka vdekur, vdekjen e të cilit e ka konstatuar mjeku, ndërsa dy të plagosurit tjerë janë dërguar në QKUK për trajtim te mëtejmë mjekësor.

comment Për komente lëvizni më poshtë
Më të lexuarat
Sot mund të lexoni Shfletoni kopertinat