Një aksident me pasojë vdekjen ka ndodhur pasditen e sotme në autostradën Durrës-Tiranë.
Burime nga policia bëjnë me dije se rreth orës 14:55 tek mbikalimi i Fllakës, një mjet me drejtues shtetasin E. B., 52 vjeç, ka aksidentuar këmbësorin, rreth 60 vjeç, i cili për pasojë ka ndërruar jetë.
Sipas uniformave blu viktima ende nuk është identifikuar. Ndërkaq, drejtuesi i mjetit është shoqëruar në ambientet e Policisë për veprime të mëtejshme.
Njoftimi i policisë:
Durrës/Informacion paraprak
Më datë 25.02.2021, në orën 14:55, në autostradën Durrës-Tiranë, tek mbikalimi i Fllakës, një mjet me drejtues shtetasin E. B., 52 vjeç, ka aksidentuar këmbësorin, një shtetas ende të pa identifikuar rreth 60 vjeç, i cili për pasojë ka ndërruar jetë.
Drejtuesi i mjetit është shoqëruar në ambientet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të aksidentit.
