Policia e Rajonit të Prishtinës ka arrestuar sot tre persona, të cilët ishin në arrati, në përpjekje për t’iu shmangur drejtësisë dhe arrestit policor.
Personat e arrestuar janë:
A. G., mashkull (26), i dënuar me burgim nga ana e gjykatës, E. K., mashkull (28), i dyshuar si i implikuar në një numër të konsiderueshëm të veprave kriminale, kryesisht vjedhje, si dhe H. S., mashkull (28), i dyshuar si i implikuar në vepra kriminale, i kërkuar me urdhër arrest.
Drejtoria Rajonale e Policisë në Prishtinë thotë se do të jetë vazhdimisht e angazhuar për parandalimin dhe goditjen e veprimtarive kriminale, si dhe vënien para drejtësisë së personave të implikuar në aktivitetet kriminale.
