Një autobus është përfshirë nga zjarri ditën e sotme në Arllat të Komunës së Drenasit.
Lajmin e ka konfirmuar zëdhënësi i Policisë së Kosovës për rajonin e Prishtinës, Agron Borovci.
“Rreth orës 11:45, është raportuar se në fshatin Arllat, komuna e Drenasit, një autobus me targë Kosove të përfshirë nga zjarri. Policia menjëherë ka dalë në vendin e ngjarjes, po ashtu edhe zjarrfikësit të cilët e kanë lokalizuar zjarrin”, tha ai.
Borovci shtoi tutje se “nuk raportohet për të lënduar, përderisa po trajtohen rrethanat e ngjarjes”.
***
Një autobus është përfshirë nga zjarri në fshatin Arllat të Drenasit.
Media mëson se rasti ka ndodhur rreth orës 12:00, dhe se nga zjarri nuk ka persona të lënduar.
Zjarrfikësit dhe policia tashmë janë në vendngjarje.
