Një muaj paraburgim pasi e sulmoi dhe vjedhi para në pompë të derivateve

Kronikë e zezë

Një muaj paraburgim pasi e sulmoi dhe vjedhi para në pompë të derivateve

Më: 8 korrik 2021 Në ora: 14:27
Foto ilustrim

Gjykata Themelore në Gjilan ka vendosur një muaj paraburgim ndaj të pandehuri D.K. për veprën penale “grabitësit”.

Në njoftimin e Gjykatës thuhet se dyshohet që personi në fjalë në një pompë të derivateve kishte sulmuar një person dhe kishte vjedhur para në një pompë të derivateve në Kamenicë.

“Ekziston dyshimi i bazuar se me datë 22.06.2021, rreth orës 05:40 minuta në rrugën “Adem Jashari”, në Kamenicë i pandehuri duke përdorur forcën ndaj personit tjetër e përvetëson pasurinë e personit tjetër në atë mënyrë që në pompën e derivateve “IP Petrol”, hynë me një person të maskuar dhe nën kërcënimin e armëve dhe duke e goditur punëtorin A. Z., kanë arritur që nga arka e pompës së derivateve të marrin shumën e të hollave prej 229 Euro dhe të largohen nga vendi në drejtim të panjohur”, thuhet në njoftim.

Me këto veprime, i pandehuri dyshohet se kanë kryer veprën penale “grabitje” vepër e sanksionuar me Kodin Penal të Republikës së Kosovës (KPRK).

Gjyqtari i procedurës paraprake në Departamentin e Krimeve të Rënda, ka caktuar masën e paraburgimit, pasi që ka vlerësuar se këto rrethana janë të mjaftueshme për zhvillimin normal të procedurës penale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat