Një person është arrestuar të mërkurën rreth orës 20:30 në Prishtinë pasi që dyshohet se ka sulmuar seksualisht një vajzë të mitur.
Rastin e ka konfirmuar Policia e Kosovës përmes raportit 24 orësh.
Në raport bëhet e ditur se viktima është intervistuar në prezencë të zyrtarit të Qendrës për Punë Sociale.
“Është arrestuar i dyshuari mashkull kosovar nën dyshimin se ka kryer veprën e cekur. Viktima femër kosovare (e mitur) është intervistuar në prezencë të zyrtarit të QPS-së.”, thuhet në njoftimin e Policisë.
Me vendim të prokurorit, i dyshuari pas intervistimit është dërguar në mbajtje dhe rasti vazhdon të hetohet.
