Arrestohen tre persona në Denjë të Rahovecit

Kronikë e zezë

Arrestohen tre persona në Denjë të Rahovecit

Më: 27 korrik 2021 Në ora: 11:14
Foto ilustrim

Policia e Kosovës, Stacioni Policor në Rahovec, të hënën ka marr informacion se ka të shtëna me armë zjarri në fshatin Denjë të komunës së Rahovecit, ndërsa në vendin e ngjarjes policia ka arrestuar tre persona të dyshuar.

Në njoftimin për media thuhet se tre personat e dyshuar kishin shtënë me armë si pasojë e një mosmarrëveshje të mëhershme, ndërsa u janë konfiskuar tri armë të mbajtura pa leje.

Personat e arrestuar janë: B. B. 1986, P. M. 1991 dhe B.M. 1984.

Në cilësi të provave materiale janë gjetur dhe sekuestruar: një armë automatike AK-47, një karikator dhe 11 fishek të kalibrit 7.62 mm, një pistoletë e tipit TT, një karikator dhe një pistoletë e tipit Stoeger, dy karikator dhe 79 fishek të kalibrit 9 mm

Lidhur me veprimet e ndërmarra është njoftuar prokurori i shtetit, me urdhër të të cilit pas përfundimit të procedurave policore personat e dyshuar mbahen në ndalim policor për 48 orë. 

Shfaq komentet
comments powered by Disqus
Sot mund të lexoni Shfletoni kopertinat