Policia në aksion ndaj shoferëve të dehur

Kronikë e zezë

Policia në aksion ndaj shoferëve të dehur

Më: 29 korrik 2021 Në ora: 15:54
Ilustrim

Drejtoria Rajonale e Policisë në Prizren, më konkretisht, Stacioni Policor në Suharekë, i mbështetur edhe nga njësia e trafikut rajonal në Drejtorinë Rajonale të Prizrenit, më datë 28.07.2021 ka realizuar planin operativ “Alkotesti 2021” me qëllim të parandalimit të kundërvajtjeve në komunikacion e me theks të veçantë kontrollimit të vozitësve të cilët drejtojnë automjetet nën ndikim të alkoolit.

Siç thuhet në komunikatën e Policisë së Kosovës, gjatë këtij operacioni janë kryer këto aktivitete policore:

-Janë kontrolluar 81 vetura

-Janë legjitimuar 214 persona

-Janë shqiptuar 5 fletëparaqitje për drejtim të automjetit nën ndikim të alkoolit

-Janë konfiskuar patentë shoferët deri në një vit

-Janë lëshuar tri tiketa drejtim i automjetit pa patentë shoferi dhe

-4 fletëparaqitje për tejkalim të shpejtësisë.

Policia e Kosovës është e përkushtuar për krijimin e një ambienti të qetë dhe të sigurt për të gjithë. Drejtoria Rajonale e Policisë në Prizren do të vazhdojë me planin operativ si dhe ndërmarrjen e masave dhe veprimeve policore ndaj kundërvajtësve të ndryshëm të cilët rrezikojnë sigurinë në trafikun rrugor me qëllim të ofrimin e sigurisë sa më të mirë në komunikacion dhe parandalimin e aksidenteve në trafik.

Shfaq komentet
comments powered by Disqus
Sot mund të lexoni Shfletoni kopertinat