Dy të dyshuar arrestohen për shitje të paautorizuar të armëve

Kronikë e zezë

Dy të dyshuar arrestohen për shitje të paautorizuar të armëve

Më: 19 tetor 2021 Në ora: 21:23
Foto ilustrim

Dy persona janë arrestuar në rajonin e Kamenicës pasi dyshohet të kenë kryer veprën penale import, eksport, furnizim, transportim, prodhim, këmbim, ndërmjetësim ose shitje e paautorizuar e ameve apo materieve plasëse.

Policia kufitare sot rreth orës 15:20 në Pikën kufitare Dheu i Bardhë ka ndaluar një veturë që vinte nga drejtimi i Serbisë për në Kosovë, ku gjatë kontrollit janë gjetur 75 copë fishekë të pushkës së gjuetisë të kalibrit 12/70, për të cilët drejtuesi i automjetit Q.S. (1999) nuk posedonte leje dhe nuk i kishte deklaruar se i kishte në veturë.

Për rastin është njoftuar prokurori kujdestar, i cili ka udhëzuar që të iniciohet rasti import, eksport, furnizim, transportim, prodhim, këmbim, ndërmjetësim ose shitje e paautorizuar e ameve apo materieve plasëse dhe të kryhet kontrolli në shtëpinë e të dyshuarit.

Gjatë kontrollit të shtëpisë dhe objekteve përcjellëse të të dyshuarit në Karaçevë të Epërme-Kamenicë, janë gjetur dhe sekuestruar një pushkë e gjuetisë, 47 copë fishekë dhe një armë e ftoftë (thikë/bajonetë).

Policia me këtë rast ka intervistuar edhe një të dyshuar të dytë A.S. (1972), për përfshirje në veprën penale import, eksport, furnizim, transportim, prodhim, këmbim, ndërmjetësim ose shitja e paautorizuar e ameve apo materieve plasëse. Me aktvendim të prokurorit rasti vazhdon të trajtohet në procedurë të rregullt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat