Patrulla policore e Stacionit për Mbikëqyrje të Kufirit gjatë patrullimit në realizim të planit operativ, ka ndaluar një automjet (furgon) nën dyshimin e kontrabandës së mallrave.
Sipas komunikatës patrulla policore, pas kontrollimit të automjetit ka vërejtur se në të kishte të ngarkuara mallra komerciale/ushqimore, për të cilat drejtuesi i automjetit: I.M., (viti i lindjes 1982, mashkull kosovar) nuk posedonte dokumentacion përkatëse. Në automjet janë gjetur 300 pako me pula të ngrira, përafërsisht mbi 3000 kg dhe 20 shishe (agrile).
Në konsultim me prokurorin përkatëse, rasti është iniciuar “kontrabandë me mallra”.
Malli i konfiskuar së bashku me automjetin bartës (furgonin) i dorëzohet Doganave të Kosovës për procedura të mëtutjeshme doganore. Rastin është duke u hetuar nga ana e Hetimeve të Drejtorisë Rajonale të Policisë Kufitare Lindje.
