Aksident në rrugën Prishtinë-Komoran, tre persona të lënduar

Kronikë e zezë

Aksident në rrugën Prishtinë-Komoran, tre persona të lënduar

Më: 24 nëntor 2021 Në ora: 20:30
Foto ilustrim

Tre persona janë lënduar si pasojë e një aksidenti mes dy veturave në magjistralen Prishtinë-Komoran, përkatësisht në fshatin Vragoli.

Rastin e ka konfirmuar zëdhënësi i Policisë së Kosovës, Daut Hoxha, i cili tha se dyshohet që shkaktari i aksidentit është mosmbajtja e distancës ndërmjet automjeteve.

“Në rrugën nacionale Prishtinë-Pejë, në Vragoli, në ora 16:45 është shkaktuar një aksident trafiku me lëndime dhe dëme materiale. Të lënduar janë tre persona, kurse të përfshira dy vetura. Dyshohet se shkaktari i aksidentit është mosmbajtja e distancës ndërmjet automjeteve”, tha Hoxha.

“Apelojmë nga të gjithë drejtuesit e automjeteve që të respektojnë rregullat e trafikut, të respektojnë shenjat dhe vozitjen ta përshtatin me kushtet në rrugë, si dhe të shmangin përdorimin e telefonave mobil gjatë vozitjes”, apeloi Hoxha më tej.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat