Një i burgosur vdes në Spitalin e Pejës

Kronikë e zezë

Një i burgosur vdes në Spitalin e Pejës

Më: 1 dhjetor 2021 Në ora: 10:49
Foto ilustrim

Në Spitalin e Pejës sot rreth 06:55 ka vdekur i burgosuri me inicialet  S.L, viti i lindjes 1950.

Shërbimi Korrektues i Kosovës ka njoftuar se i burgosuri që nga pranimi tërë kohën ka qenë i hospitalizuar në Stacionarin e Burgut të Qendrës Korrektuese Dubravë, ku po trajtohej për sëmundje të shumta.

“I njëjti kohëve të fundit ka pasur komplikime si pasojë e metastazave tumorale të cilat janë shprehur me ascit (lëng në abdomen) dhe rertentio urinae, si dhe komplikime të tjera, të cilat i kanë vështirësuar funksionimin për të cilin është kujdesur stafi mjekësor i stacionarit, në vazhdimësi. Si pasojë e kësaj, dy javët e fundit ka qenë i shtrirë nën kujdesin e vazhdueshëm në Spitalin Rajonal  të Pejës, ku përkundër ofrimit të ndihmës mjekësore, i njëjti ka ndërruar jetë”, thuhet në njoftimin e SHKK-së dhe Departamentit për Shëndetësinë në Burgje.

I njëjti ishte i dënuar për veprën penale “Vrasje e rëndë”.

Organet kompetente janë duke u zhvilluar procedurat ligjore, ndërsa autopsia do të verifikojë shkakun e vdekjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat