Shpërthen një bombolë e gazit në Prishtinë, ka të lënduar

Kronikë e zezë

Shpërthen një bombolë e gazit në Prishtinë, ka të lënduar

Më: 2 dhjetor 2021 Në ora: 16:16
Ilustrim

Një bombolë e gazit dyshohet se ka shpërthyer në rrugën “Shaip Kamberi” në Prishtinë. Raportohet se nga ky shpërthim një person ka mbetur i lënduar.

Lajmin e ka konfirmuar zëdhënësi i Policisë së Kosovës për Rajonin e Prishtinës, Agron Borovci.

Borovci ka thënë se viktima është dërguar në QKUK.

“Rreth orës 14:45, është marrë informata për një shpërthim në rrugën “Shaip Kamberi” në Prishtinë. Policia ka dalë në vendin e ngjarjes dhe në bazë të informacioneve të para dyshohet që shpërthimi ka ardhur nga një bombole gazi e shfrytëzuar për nevoja familjare. Për pasojë një person ka pësuar lëndime dhe e njëjta është dërguar në QKUK për trajtimin e nevojshëm mjekësor”, ka thënë Borovci.

Policia ka bërë të ditur se janë shkaktuar edhe dëme materiale në dhomën e shtëpisë ku ishte e vendosur bombola

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat