​Burri rrah gruan me kabllo dhe ikën nga shtëpia

Kronikë e zezë

​Burri rrah gruan me kabllo dhe ikën nga shtëpia

Më: 9 janar 2022 Në ora: 23:25
Foto ilustrim

Një person ka rrahur sot bashkëshorten e tij në Gjakovë duke i shkaktuar lëndime trupore, pas të cilave është arratisur nga shtëpia.

Lajmi është konfirmuar nga zëdhënësi i policisë rajonale për Gjakovë Nysret Gjurkaj, sipas të cilit rasti ka ndodhur rreth orës 16:00, në rrugën “Shotë Galica”.

“I dyshuari (bashkëshorti) e kishte sulmuar viktimën (gruan), duke e goditur me grusht dhe kabllo, në pjesë të ndryshme të trupit, me këtë rast i ka shkaktuar lëndime të lehta trupore. Viktima ka ikur nga shtëpia. Viktima është dërguar në tretman mjekësor dhe më pas është intervistuar. Punëtori social ka qenë prezent gjatë procedimit të viktimës. Viktima është dërguar në shtëpi të sigurt”, ka thënë Gjurkaj.

Personi i dyshuar për momentin gjendet në arrati dhe në lidhje me rastin është njoftuar Prokurori kujdestar. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat