Lëndoi një person në aksident, ik nga vendi i ngjarjes

Kronikë

Lëndoi një person në aksident, ik nga vendi i ngjarjes

Më: 12 janar 2022 Në ora: 19:39
Ilustrim

Policia e Kosovës ka konfiskuar sot një veturë, e cila ishte përfshirë në një aksident trafiku më 10 janar 2022 në Duhël të Suharekës, ku një person ishte lënduar, ndërsa ngasësi i automjetit kishte ikur nga vendi i ngjarjes.

Siç thuhet në një komunikatë, policia ka arritur të bëjë verifikimin e automjetit dhe personit, i cili është ndaluar dhe intervistuar për shkaktimin e aksidentit me lëndime dhe ikje nga vendi i ngjarjes.

Zyrtarët e policisë në Prizren, pas verifikimit zbuluan se automjeti ka qenë me targa gjermane dhe i çlajmëruar dhe nuk ishte i zhdoganuar.

Automjeti është sekuestruar në ora 16:00, ku është dorëzuar në Terminalin Doganor në Prizren.

Në lidhje me këtë janë ndërmarrë të gjitha veprimet ligjore ndaj të dyshuarit dhe rasti shkon në procedurë të rregullt.

comment Për komente lëvizni më poshtë
Më të lexuarat
Sot mund të lexoni Shfletoni kopertinat