Vjedhja që përfundoi me përleshje mes hajdutëve dhe policisë, ja çfarë ndodhi në Dobërdol

Kronikë e zezë

Vjedhja që përfundoi me përleshje mes hajdutëve dhe policisë, ja çfarë ndodhi në Dobërdol

Më: 14 janar 2022 Në ora: 07:47
Ilustrim

Një vjedhje që përfundoi me përleshje me armë mes hajdutëve dhe policisë ndodhi mbrëmjen e së enjtes në fshatin Dobërdol të Podujevës. Hajnat kishin shtënë me armë zjarri në drejtim të zyrtarëve policorë ndërsa ishin duke ikur, pasi kishin hyrë për të vjedhur në një shtëpi.

Të shtënat me armë ndodhën jashtë rrethojës së shtëpisë, pasi hajdutët filluan të ikin arave, kur policia tentoi t’i arrestonte.

Përkundër kësaj, asnjë zyrtar policor nuk ka mbetur i lënduar, por as autorët e vjedhjes nuk janë kapur.

Në momentin kur hajnat kanë hyrë në shtëpi, familjarët nuk ishin aty.

Këta të fundit e kishin kuptuar që ishin bërë cak i vjedhjes vetëm kur i kishin kontrolluar kamerat e sigurisë përmes telefonit.

Me të parë që dikush ka hyrë në shtëpi, menjëherë e kishin telefonuar policinë, të cilët dolën në vendin e ngjarjes.

Hajdutët kanë arritur që vjedhin ari dhe gjëra me vlerë për familjen.

commentFirst article
Sot mund të lexoni Shfletoni kopertinat