Njëri nga të arrestuarit për përleshjen në Pejë ka lëndime trupore

Kronikë e zezë

Njëri nga të arrestuarit për përleshjen në Pejë ka lëndime trupore

Më: 20 janar 2022 Në ora: 17:49
Pamje nga vendi i ngjarjes

Zëdhënësi i Prokurorisë Themelore në Pejë, Shkodran Nikçi ka konfirmuar arrestimin e dy personave të dyshuar për përleshjen në Pejë, e ku një person mbeti i vdekur.

Ai konfirmoi se njëri është ndaluar për veprën penale vrasje e tjetri për shkaktim të rrezikut trupor.

“Si pasojë e një përleshje në një lagje në Pejë një person ka humbur jetën. Dy persona të përfshirë në këtë përleshje janë arrestuar nga Policia e Kosovës. Njëri i dyshuar për veprën penale ‘Vrasje’ e tjetri për shkaktim të rrezikut trupor”, ka thënë Nikçi.

Më tutje ai tha se ndaj tyre pritet që të caktohet masa e ndalimit për 48 orë.

“Pasi që të njëjtit janë sjell në stacionin policor prokurorja kujdestare e Departamentit të Krimeve të Rënda ndaj tyre do të caktojë masën e ndalimit për 48 orë. Siç kemi informacione njëri nga të arrestuarit ka plagë trupore nga përleshja”, tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat