Policia e Kosovës ka njoftuar se në 24 orët e fundit janë arrestuar 21 persona.
Siç njofton policia 8 prej tyre janë dërguar në mbajtje dhe 6 janë dërguar në vuajtje të dënimit.
Arrestimi i tyre është bërë për vepra të ndryshme penale si: dhunë në familje, grabitje, falsifikim i parasë, kanosje dhe armëmbajtje pa leje.
Ndërkaq, sipas të dhënave nga Policia në 24 orët e fundit në Kosovë kanë ndodhur 62 aksidente trafiku, 24 prej tyre me persona të lënduar kurse 38 tjerë me dëme materiale.
Policia bën të ditur se ka shqiptuar edhe 2 mijë e 285 tiketa trafiku për shoferët që nuk kanë respektuar rregullat e komunikacionit.
Kurse 271 tiketa janë shqiptuar për personat që nuk kanë respektuar masat antiCOVID.