Plagosja e dyfishtë në Klinë, policia tregon si ndodhi ngjarja

Kronikë e zezë

Plagosja e dyfishtë në Klinë, policia tregon si ndodhi ngjarja

Më: 19 maj 2022 Në ora: 09:00
Foto ilustrim

Pesë persona janë arrestuar dje nën dyshimet për përfshirje në një rrahje të ndodhur në Klinë. Gjatë përleshjes është shtënë edhe me armë zjarri me ç’rast janë plagosur dy persona.

Sipas mjekëve të plagosurit janë jashtë rrezikut për jetë.

“Në vendin e ngjarjes në cilësi të provave materiale janë gjetur dhe konfiskuar; dy pistoleta, 15 fishekë, dy gëzhoja, një sprej dhe një brisk”, njofton policia.

Njoftimi i plotë i policisë: 

VRASJE NË TENTATIVË & PJESËMARRJE NË RRAHJE/ Rr. Abedin Rexha, Klinë 18.05.2022 – 13:39. Janë arrestuar pesë të dyshuar meshkuj kosovar pasi të njëjtit janë përfshirë në një rrahje në mes veti. Gjatë përleshjes të dyshuarit kanë shtënë edhe me armë zjarri. Si pasojë e të shtënave me armë dy të dyshuar janë plagosur. Të plagosurit janë dërguar në tretman mjekësorë, dhe të njëjtit sipas raportit mjekësorë janë jashtë rrezikut për jetë. Në vendin e ngjarjes në cilësi të provave materiale janë gjetur dhe konfiskuar; dy pistoleta, 15 fishekë, dy gëzhoja, një sprej dhe një brisk. Me vendim të prokurorit të dyshuarve u është caktuar masa e ndalimit për 48 orë ku tre prej të dyshuarave janë dërguar në mbajtje, ndërsa  dy të dyshuarit  tjerë të plagosur janë në tretman mjekësor nën mbikëqyrje policisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat